Amerika 25.6. - 24.7.13

 

Sooo euse zweit letschti Stopp isch agseit! Trurig aber gspanne hemmer Hawaii verlah. Mir sind

mega gspanne gsi was eus in Amerika erwarted. Mir sind nach 3 flüg entli in San Francisco glandet,

womer di erste zwei Nächt ime Hotel gsi sind, das mer d Stadt hend chöne ga aluege. Aber da mir so dure

gsi sind vom flüge sind mir de ganz Namittag im Bett gsi und hend gschlafe… Am nechste Tag simer den chli 

go umeluege ide Stadt selber. Mir sind uf di berüehmte Cablecar bähnli womer immer ide Film gseht =)

Isch echt na cool gsi aber die lüüt wo agstande sind… abartig viel… Naja mir hend ja de ziit =)

Am nechste Tag hemer euses Auto gholt womer gha hend bis uf Las Vegas!

Mir sind los gfahre richtig Josemite Nationalpark. De Park isch wunderschön gsi!

Mega viel Natur und Wasserfäll. Gschlafe hemer imene Zält. Das isch mega luschtig gsi,

Mir hend alles ässbare, Duschzüg, Zahpasta und so sache möse usem Auto use neh und die möse

nebedem Zelt ine Bärebox i gschlüsse! Die Bäre det gönd den aso s Auto ga usenand neh wens

det öppis feins schmöcked… =)

Zum glück hemer ide Nacht nid möse ufs WC susch weremer na eim begegnet…. =)

Den isches immer nächer a Las Vegas cho. Mir sind durs Death Valley gfahre und hend

e hitz erlebt wie na nie…. Es isch 51 grad heiss gsi… Ufem Öffentliche WC hesch kei Stange

chöne alange, es isch alles viel z heiss gsi =) Chum bisch usem Auto gange hesch e gratis Sauna gha…

Aso simer schnell i gstiege und wiiter gfahre. Ide letschte Nacht vor Vegas simer ime mega herzige

Dörfli gsi. Mir sind ine iiheimischi Bar ga Pizza esse und die hend eus ufgno det ine als würemer scho

immer i dem Dorf wohne =) es isch mega cool gsi!

Soo und den simer uf VEGAS juhuuuu =)

Mir hend s Auto abgeh und sind mitem Taxi is Bellagio jaaaa Bellagio!

Es isch eifach hammer gsi! Du fahrsch ane mitem Taxi und den chömeds scho go s Gepäck hole mit

dene Wägeli =) Den simer ga i checke und hend s Gepäck ufs Zimmer becho =)

Und den isches los gange =) Mir hend eusi churze hose agleit und sind veruse ga luege =)

Es isch sooo heiss gsi, mir hend i jede Lade möse ga zum abchüele und sind wiiter in nechste…

Wiit cho simer aber nid eso.. Aber da isch ja egal =)

Am Abed gseht das Vegas eh viel cooler us als am Tag, mit all dene Liechter und so eifach hammer!

Eigentlich hemer wele in Uusgang aber i dem Club wo de Calvin Harris gsi wer, wersch mindestens 2 Stund

wen nid na meh agstande… Also was macht mer susch na in Vegas statt Uusgang??

Riiichtiiiig Zocke =)

Und das hemer den au gmacht, mir sind ab is Casino, hend mal gune und den wieder verlore…

Aber schluss entlich hemer den 140 Dollar gune und den hemer gseit so jetzt isch finito =)

 

Soo und den isches los gange! Mir sind eusen neue Camper ga abhole und zerst mal is Outlet

gfätzt eus neu ga ikleide =) Natürli hets nur Marke sache geh!! =)

Den simer i öppe 7 verschiedeni Nationalpärks! Das wer jetzt verruckt zum be jedem öppis schribe,

susch wirdi nüm fertig bis mer dihei sind… =) zerst simer in Zion, den in Bryce Canyon, den Arches,

den is Monument Valley, den de Slop Canyon, den Gran Canyon und zum schluss na zum Joshua Tree!

Aso es sind alli uf e anderi art wunderschön gsi! Obwohl eus de Slop Canyon mega Überrascht het, de

hemer nur per zuefall gfunde und es isch eifach unglaublich gsi!!

So nach all dene Nationalpärks hemers langsam gseh und den simer wieder wiiter richtig Küste uf San Diego.

Mir hend eus riisig gfreut wieder richtig Meer zfahre und dases wieder chli chüeler wird!

San Diego isch mega herzig gsi, mir sind en alte Flugzügträger ga aluege wo bis id 90er Jahr im iisatz gsi isch…

Isch mega iidrücklich gsi! Nachher simer na is Seaworld! Das sich hammer gsi heieiei =) Mer het richtig

gse das di einte Tier freud gha hend, vorallem bide Delfin! Den simer det e Show ga luege mit Orkas,

Das isch au hammer gsi, hei was die Tier alles mached. Womer det use sind simer pfludi nass gsi wels 

eus mega agsprützt hend =)

Ja und den isches wiiter duruf gange richtig L.A. Det simer den natürli uf Hollywood und zude Beverlly Hills.

Hei wie die wohned dete… Unglaublich, ei hütte nach de andere… natürli hend d Universal Studios au nid

derfe fehle! Das isch au uh mega cool gsi!! Mer wüssed jetzt wie mega krass die Film alli gfaket sind… Aber 

super gmacht alles! 

Den isches uf de Highway number 1 gange alles de Küschte na ufe bis mer schlussentlich wieder in San Francisco

acho sind. Die fahrt isch wunderschön gsi, alles am Meer entlgang!

Mir hetetd aso nid erwarted dases de Küschte na chalt wird werde.. Aber mer hend aso wieder möse di lange 

Hose füreneh… =)

Ja mer hend ja gnueg kauft… =) Den hemer na de Roger troffe en Kolleg wo eus na d Stadt zeiged het!

Das isch echt voll fies gsi genau i dene Täg wo mir det gsi sind hets mega viel Nebel gha… =(

Mir hends aber doch mega gnosse obwohl em Wetter und hend na viel gseh womer susch 

wahrschindlich nid gse heted!

So jetzt gahts na di letschte Täg uf New York und den chömed mir scho wieder hei =)

Mir freued eus uf eu!!!

 

Euses Fazit: Si hend en siech voll mega cooli Nationalpärks aber irgendwen hesches gse. =)