Fitschi 23.5.13 - 7.6.13

Hui ihr sind sicher alli mega gspanne uf euse Fitschi bricht… =)

Churzfassig: Es isch nid mal so huere schön gsi… Mir verzelled eu na chli meh =)

Aso scho womer acho sind hemer denkt a warme Summerrege machd eus nüd, solang di nechste

2 Wuche guet chömed… Di erst Nacht hemer ufem Festland verbracht und am morge isches den wiiter gange

uf euse Yasawaflyer. Das isch es Boot wo jede Tag eimal ganz ufe und wieder in Hafe zrug fahrt.

Du stiegsch aso am Hafe ih und buechsch dini Insle ufem Boot und chasch be dere Insle use gah wens platz het.

Wens dir ufere Insle mega guet gfallt chasch du länger bliibe oder du gasch wieder ufs Boot und uf di nechst.

Mir sind zerst bis ganz ufe gfahre ca. 5 Stunde, sodass mer bem retour weg nid so lang mönd fahre!

Mir sind aso zwei Nächt uf eusi erscht Insle, wo mega herzig und familiärisch gsi isch!! Wen a cho bisch, bisch

mit Musik und eme erfrischende Drink begrüesst worde, wo mir immer sehr gnosse hend!!!

A dem Abed hemer s erscht mal Kawa trunke =) Kawa isch eich de Alkohol vo de Fijianer =)

Es isch e wurzle wo ghaklet isch und mer den mit Wasser duet mische. Je länger mers duet mische, 

desto stärcher wirds. Wen aso en Fijianer gsesch in Fiji-Time (am ischlafe) laufe weisch, ok

er isch uf Kawa =) Die trinked das sozege jede Tag!!

Am nechste Tag hemer super Wetter gha, und ab den isches nur na bach ab…

Es het ca. 7 Täg am stuck nur gregnet und wüki gregnet… und genau i dene 7 Täg weremer eich uf de 

schönste Insle gsi… Tja isch halt pech gsi. Defür hemer glernt Palmeblätter flechte und sind mitlerwiie

profis i dem wel mer das immer bi schlechtem Wetter gmacht hend =)

Eusi 4 Insle isch d Barefoot Island gsi und dir isch wunderschön gsi!! Si het 3 verschiedeni Stränd gha sodass du 

vom Sunneufgang bis Sunneuntergang immer Sunne gha hesch! Det hemer eus den au entschiede gha

zum es paar Tauchgäng z mache wel ja s Wetter nid so het wele mit spiele… 

S Tauche isch en Traum gsi!!! Wunderschöni Koralle, Fisch und allgemeini Umgebig!

Den hemer doch au mal na schöns Wetter becho und hends natürli mega gnosse zum am Strand ligge,

schlafe, bade und schnorchle! Den simer na mit Manta Roche ga schwümme! Mir sind di glückliche gsi,

wo de Roche gad ca. 2 meter unter eus dure gschwumme isch und mir en mega guet gseh hend =)

Zum schluss simer na je 2 Nächt i zwei verschiedene resorts gsi, wo aber leider nid so de hit gsi sind…

Mir hends aber glich gnosse wen d sunne wenigstens dusse gsi isch!!! 

Nach dene 2 Wuche hemer eus na viel meh uf Hawaii und schöns Wetter gfreut!

Euses Fazit: Mir hend en super grund zum wiedermal ufd Fitschi zgah unds vonere bessere siiter zgse!! =)