Neuseeland Nordinsle 3.5.13-23.5.13

…So mir sind aso ab de Fähre und gad uf de Campingplatz wels au scho spaat am namittag gsi isch.

Am nechste Tag simer Wellington ga aluege! Isch na e cooli Stadt mir viel lädeli =)

Womer chli am umeschlendere gsi sind isch doch tatsächlich e schwiizerin cho und het eus gfräged ob mer was

sueched, si wohni scho sit 10 jahr da… Aaaaah okay =) Den hemer na es paar tips becho und sind dankbar wiiter!

Am nechste Tag simer den rechts na ufe gfahre richtig Taupo.

Taupo isch echt na cool gsi, es het mega viel vulkanischi Gebiet det umenand womer natürli sind ga aluege! Isch schona struub wen eifach kochend heisses Wasser usem Bode usechunt… schaurig gspässig gsi =)

Den simer wiiter ufe uf Rotorua. In Rotorua gits au viel vodene Gebiet und au det simer eis ga aluege.

Es het det e sogenannti "Lady Gnox" gha ganz e schöni sympatischi vulkänin gsi =)

Die het immer wen mer Seife be ihre is Loch due het afah sprudle und heisses Wasser ufegjagt =)

Het aso wüki na cool usgseh, zwar hend mir natürli gmeint gha das spektakel isch natürlich, aaaber nei

es isch leider g faket gsi… naja de rescht womer gse hend emel nid!

Det hets mega viel verschiedeni Sache gha zum aluege wod uf de fotene chasch gse. De grüen See

am schluss het eus am meiste faszinert, so richtig giftig =)

Nach dem spektakel simer wiiter an Hot Water Beach.

Jaa er verspricht aso das wener heisst! A dem Hot Water Beach chasch du ga löcher budle und di heissi 

Quelle ga sueche und dir so en eigene heisse Pool mache und chille  =)

Das ganze isch aber nur zunere gwüsse ziit möglich und zwar wen Ebbe isch. Wen die ziit isch

chamer 2 Stund voher und 2 Stund nacher ga bade, wer an sich mega cool wens nid so viel lüüt heti…

Sooo und den kennsch du doch sicher Herr der Ringe oder?? Ich hoffes doch, mir sind nemlich uf Hobbiton

det wos de Film trüllet hend!! =)

Es gseht eifach wüki so us we im Film und si hend alles stah lah! Isch echt mega intressant gsi!!

Mir hend sone Tour dur Hobbiton gmacht und hend sogar vom Bier derfe probiere wos au im Film trunke hend!

Es het sogar 1% alkohol dine… Drum sinds so locker gsi bem trülle =)

Den isches immer wiiter richtig Auckland gange, und da mir extra chli früener dobe acho sind, simmer na ganz ufe.

Mir sind aso z oberscht ufe gfahre, an nördlichste Punkt vo Neuseeland. Es isch eifach Traumhaft gsi.

Bisch der echt vorcho als wersch am endi vode Welt… Über s ganze Meer hesch gse und nüt anders als Meer.

Das hemer mega gnosse!! 

Bem abeweg simer na ame Ort verbii cho wos riiiiiiisigi Bäum gha het, hui isch de Stefan fasziniert gsi =)

Soooo viel Holz uf eimal =)

Am schluss simer na Auckland ga aluege für 2 Täg. Isch mega cooli Stadt und mir sind super ga Z'nacht

esse ufem Skytower, mega cooli ussicht hemer gha am Abig!!!

Euses Fazit: Jaaa eusen Camper isch Strandtauglich =)

Mir hends mega gnosse, bis in obertse Punkt!! =) Endi vode Welt...