Neuseeland Südinsle 4.4.13-3.5.13

Hui wieder en Roman… =) Aber de wird glese ;-)

Sooo mir hend eus riisig gfreut uf en wechsel vom Land! Mir sind in Christchurch glanded und sind zerscht wieder id Vermietstation ga euse (viellicht dasmal Hippie Camper) ga abhole! Natürli hemer wieder 2 stunde möse warte… Irgendwen isch si den cho und het sich mega entschuldiged, aber mir chömed "halt" wieder sonen Camper über we in Australie… Fasch verbutzt hets eus… =) Jaaa mir hend aso wieder es gratis upgrade bechoooo =)

Zerst simmer chli Christchurch ga aluege, leider isch immerna sehr vieles Kabutt vom Erdbeebe… Wer susch e mega cooli Stadt mit so alte Hüüser und so! Nach zwei täg simer den wiiter richtig süde uf Akaroa! Akaroa isch es mega herzigs Städli am meer, chli Französisch a ghucht, wüssed aber au nid werum…

Den simer vo tag zu tag wiiter in Süde abegfahre und hend mega viel schöni Plätzli entdeckt! Ufen Gletscher simer na, isch mega iidrücklich we schnell die verschwinded… Den simer une dure na uf Queenstown, Queenstown isch voll d Party stadt, aber mir sind sicher nid ga Party mache =) Nei mir sind uf de Weltgröschti Swing. Hui Tanja het na nie i ihrem Lebe so goissed we da… Es wunder het si kein Herzinfakt becho =) De Stefan het natürli nur so due als heter kei schiss =) Au er het chöne juhui use schreie =)

Den simer na ufen mega coole ussichtspunkt ufe! Det bisch miteme Bändli ufe gfahre und hesch über ganz Queenstown gse. Det obe simer den na ga "rodle". Es isch nid rodle aber mega änlich. Du bisch nid inere Bahn ine, du hesch e terrti strass wo selber muesch stüre und bremse. Das isch mega cool gsi!

Den isches wieder ufwerts gange richtig Norde. Und au wermer isches wieder worde =) Zwei wiiteri Gletscher sind gfolged und au die sind mega krass retour gange…

De weg isch wiiter ufe und alles ade Küschte nah! Es wer so traumhaft wens nid wür regne… Jaaa es het andersch abelah und nüm wele ufhöre… naja simer hald uf de Camping platz… Den hemer uf schöners Wetter ghoft dasmer am nachste tag nomel chented det na abefahre, uuund glück hemer gha, es isch nemli wunderschöns wetter gsi und mir hends mega gnosse!

Den isches wieder uf di ander siite gange und zwar uf hanmer springs, das isch obe a christchurch und det hets so hot pools gha, mir hend eus aso en schöne namittag gönnt =) Am nechste tag simer wiiter ufe gfahre uf kaikoura wel det chamer mit delfin schwümme =) Das hemer natürli nid verpasst!!! Mir sind aso use gfahre und anstatt delfin hemer halt Orkas gse! Isch au wunderschön gsi so Tier mal live und in freiheit derfe zgse, aaaaaber det wo Orkas sind hets leider kei delfin, wel delfin werded ufgfresse vode Orkas…

Mir sind so enttosche gsi dasmer am nechste tag euses Glück nomel hend wele probiere. Si hend eus es spezial agebot gmacht wel alles scho usbuecht gsi isch… Den simer uf di 5.30 det ane gange und ufs Meer use! jaaa isch uh mega früeh gsi… =) Aber es isch wunderschön gsi…. Es het mindestens 100 Delfin gha und im hintergrund na de sunneufgang… Das sind anschiinend di verspieltischte delfin wos git und das hemer au mega schnell gmerkt!!! Die sind scho cho chuum bisch im wasser gsi =) Am afang isches recht mulmig gsi aber nacheme ziitli isches sooo schön gsi we mit ihne hesch chöne spiele =) aber uuuuuh löck bobi isch das chalt gsi… 15 grad isch s wasser gsi brrrrrr….. =) nach ca. 30 spiele isches den wieder zrug ufs boot gange und retour.

Den simer na de rescht ufe gfahre, sind na am süberschte wasser vode welt verbii und in wunderschöne Abel tasman national park. Und den isches richtig Fähre gange richtig Wellington, Nordinsle………

Euses Fazit: Mir hend wunderschöni Sache derfe gse aber es isch eifach scho chli z chalt gsi zum Campe =) Aber mir sind ja härti sieche =)