Adelaide nach Melbourne (Great Ocean Road) 23.2-3.3.13

Mir hend eus riisig freut das mir entlich hend chöne es Auto neh, den isch mer eifach viel flexibler

und chan mache was mer wet und det ane gah womer wet, es isch super gsi!

Zerst simmer zwei täg chli ga adelaide aluege, isch e mega herzigs chliises städtli und uh viel grüen!

Natürli hemer na e Wiitour gmacht im bekanntischte Wiigebiet wos git, im Barrossa Valley,

aber mir sind chli entosche gsi….

Es het nur 4 Wii geh zum probiere, aber die sind doch guet gsi =) nachher simmer nachli s städli ga aluege det!

Nachher isches los gange richtig Great Ocean Road, mir hend eus riisig gfreut!!!

Mir gönd uf die Weltberüehmt Great Ocean Road!!! WOW =)

Nei aso de weg det ane isch allgemein uh mega schön gsi! 

Mir sind vom einte zum andere wunderschöne Strand gfätzt und hends uh mega gnosse,

so nachem moto: Enjoy the moment! (für min papi: geniess den moment=)

Da mir "nur" es Auto gha hend, hemer eigentlich denkt das mir ines Backpacker gönd ga schlafe,

aber da die so huere tüür sind

simmer immer ufen Campingplatz gange! Die hend so super Cabins wo Chuchi,

Badzimmer und s Bett dine isch, aso alles wo mer brucht!

Mir hend das mega gnosse! Ufem Weg simer an berühemte Blue Lake (ich hanen vorher au nid kennt =))gange,

er isch aso wüki so wener heisst, blue… Er isch wunderschön gsi fasch e chli kitschig blau! De isch den aber nur vom November bis März so schön blau!!!

Muesch den luege wend gasch =)

Di gröscht atraktion womer je i eusem Lebe gse hend (oder fasch di gröscht), mir hend es wiises Känguru gse, jaaaaa es wiises =) Mir hends au fasch nid chöne glaube =)

haha uh luschtig gsi und es het glueget, en oschterhase uf zwei bei =)

So und den simer uf dere super geile Great Ocean Road gsi, sie isch eifach de knüller!!!

Du fahrsch wortwörtlich am Meer na und luegsch eifach ufs Wasser und de Klippe abe!

Di Weltberühemte 12 Apostle hend natürli au nid gfehlt! Mer gseht die nid all ufs mal, wel di einte hinterenand sind und di einte sogar kabutt… Aber si sind wunderschön… Great Ocean Road-Weh… =)

Und den simer au scho bald in Melbourne acho, zwei täg früener dasmer d Stadt na hend chöne aluege!

D Stadt ansich wer hammer aber es het eifach viel z viel lüüt… isch mega schad…

In Melbourne simer natürli d Arenas ga aluege wo de Federer s Australian Open spielt! Isch schona iidrücklich gsi!

Mir sind na inen gratis Bus ine ghocket wo rund umd Stadt fahrt aber wüki was gseh hemer nid…

Es sind z viel Lüüt dine gsi =)

Und die Reise ging weiter nach Sydney….

Euses Fazit: Jaaaa es git Wiisi Kängurus =)