Alice Springs 17.2. - 19.2.13

Mir sind mitere 3 Tagestuur ab is Outback. Mir sind zum Kings Canyon ( Australisch Gran Canyon ), zum Ayers Rock

und zum Kata Tjuta!

Es isch wunderschön gsi aber sau streng... Mir hend am erschte Tag möse am 5.45 parat stah dasmer hend chöne

los fahre... Nach öppe 4 Stund fahre simer den im Seich usse gsi und hend zerst mal zmittag gesse!

Nachem zmittag isches wiiter gange zum Kings Canyon und sind det mal chli hindere gloffe (2 km).... bi öppe 41 grad... Meeega heiss isches gsi. Nachher simer wieder retour und sind in Pool ga bade, hei isch das schön gsi... =)

Gschlafe hemer unterem wunderschöne Sterne himmel verusse ufem bode! Mir hend e "usrollbari matratze" gha.

Es isch au am abed na über 30 grad gsi, aso hemer super chöne i churze hose und eme t-shirt schlafe!!!

Am nechschte tag hemer ohni seich am 4.30 möse ufstah.. heieiei het d tanja müeh gha... =)

De grund werum mer so früeh muen ufstah isch gsi, mir sind ga laufe bem Kings Canyon und de Lauf chamer nur mache bis am 9 ni am morge wels susch z heiss isch... Au wen mer so früeh hend möse use isches mega schön gsi und mega idrücklich!!! Die Natur isch eifach unglaublich!!!

Nachem Kings Canyon simer an Ayers Rock, eifach en riise Stei zmitzt ine... =) geil gsi =)

Mir ärklered eu den dihei wie de "Stei" entstande isch, isch kompliziert zum schribe =)

Den simer wieder i euses Lager retour und hend wieder verusse gschlafe.

Am nechste Tag hemer wieder am 4.30 möse ufstah.... Den simer de Sunneufgang am Ayers Rock ga luege, wo au mega schön gsi isch! Di letscht etappe isch de Kata Tjuta gsi. Au det hemer möse vorem 11i duregloffe sii weg de hitz... Es isch echt mega heiss gsi aber mega schön und astrengend!! Ein lauf isch ca. 6-7 km uf und ab gange! 

Ja und den simer wieder ufd hei fahrt gange wo alli kabutt gsi sind und gschlafe hend... und so ging eine reise zu ende =)

Euses Fazit: Heiss aber super!!!