Hoi zäme... So mir sind den super acho in Australie! Ewigs hemmer gha bis mer mal bide super Gastmuetter acho sind... de Taxi fahrer het chuum englisch chöne und het na möse de Gastmuetter alüte welers nid gfunde het... Froh simmer den gsi dasmers doch na entlich gschafft hend! =)

Wered mir na mitem Jetleg am kämpfe gsi sind hend mir doch scho müesse d Schuelbank drucke... Di erscht Wuche isch scho verbii und mir hend eus super iglebt!! 

Am fritig sind mir mit de Schuel ide Stadt gsi, die ga aluege. Isch aso doch na e super Stadt! Mir sind imene alte Gricht gsi und hend en Fall möse nah spiele, fasch alles hemer verstande =) 

Nach de Schuel gönd mir viel an Strand und mit dene super Wälle isches eifach na schönner!!! Fühlt mer sich doch gad wieder wie es Chind. =)

Perth isch e sehr grüeni Stadt und het überall mega schöni Pärk zum ine güxle!

So das wers mal chli gsi vode erschte Wuche!

Bis bald und d fotene chömed den na =)