Australia Day 26.1.2013

Mir sind mit es paarne vode Schuel uf di ander siite vom Swan River, welmer vo det s Füürwerk besser gseht!

Mir sind scho am morge früeh gange dasmer au sicher en guete platz hend =)

De hemmer au gha und sind de ganz Tag det gsi. Es isch mega krass wie viel die investiered für de National tag.

Es het meega viel sache gha fürd chind zum spiele, mega viel essständ und so wiiter… 

Am Tag dur hends na Flugshow gha, bötli fahre und so sache.

Am 20.00 isch den s Füürwerk los gange. Mir hend na nie sonen geils Füürwerk gse we da!!!

Die hend weiss ich nid wieviel Millione ufelah, aber es isch eifach hammer gsi!! ganzi 30 Minute isches gange!

Womer den wieder hend wele hei ga hemer gmerkt das kein Bus und kei Fähre meh fahrt…

den simer 1 Stund gloffe bis mer an Bahnhof cho sind und zum glück na de letschti Zug verwütscht hend… =)

Euses Fazit: Isch mega was d Australier a ihrem wichtigste Tag alles "z Büüte" hend!!