Kangaroo Island 21.2.- 22.2.13

Mir hend nid mal möse früeh ufstah zum ufd Paradies Insle cho!!! mir hend am 6.45 möse parat stah.

Zerst simer miteme Car 2 Stund gfahre bis an Hafe abe und vo det isches wiiter gange mit de Fähre!

Womer acho sind het euse Guyde scho uf eus gwartet.

Zerst simer zumene Farmer gfahre. Es isch so luschtig gsi. Er het 3 Hünd gha, 2 grossi und ein chline. Den simer ines Hüttli ine und den heter 2 Hünd los lah und wos wieder zrug cho sind hends na öppe 10 Schaf mitgno =)

Di einte sind gschooret gsi und di andere nid, also heters zerscht sortiert. Nachher heter eis Schaf gholt und hets i ca 2 minute gschoret!! Das het ja usgseh mir sind schier abe =)

Vo det simer wiiter es paar Stränd ga aluege und ga Zmittag esse.

Nachem Zmittag simer zude Seeloie, die sind so geil gsi!!! Uh mega fuuli sieche =)

De ganz Strand isch volle gsi vo dene und die mached nüd anders als de ganz Tag penne!

Die mached das wel si 3 Täg im Meer usse sind am "fische" und den für 3 Täg an Strand chömed sich ga erhole!

Nachher simer ga Sandboarde, das isch echt mega luschtig gsi, aber ufem Schnee gahts den scho besser =)

Den hemer di chli Sahara schowieder verlah, und sind i euses super geile Backpacker zrug. 

Am abed hets na e Überraschig geh, euse guyde het eus zu Pinguine bracht am Meer!!! Es isch Traumhaft gsi!!

Nach de Pinguine simer wiiter zude Wallabys gange, mir sind quer dur d Wiise gfahre und es het öppe 40 Wallabys gha (das sind so chlini Kängurus) es isch traumhaft gsi!!!

Am nechste Tag hemer nid mal möse früeh ufstah, mir sind am 8 di losgfahre und zwar zude Qualas jeeee =) Das isch den aso echt es erlebnis wen die live ide Wildniss chasch erlebe!!! Leider isch eis abem Baum gheit und in himmel gange... =(

Nach de Qualas simer zude Rocks wo über 500 millione Jahr alt sind oder so =) hesch e mega schöni ussicht gha!

Den hemer na e anderi Sorte vo Seeloie gse, gstunke hends bää... =) aber ame wunderschöne Ort sind gsi!!! Die hend Neuseeland Seeloie gheisse. (all blacks) 

Nachem Strand besichtige simer na zume spezielle chatze mensch =) Isch echt übel gsi wen i dem sis Huus inegloffe bisch... Das isch eine gsi wo alli chatze tötet wel die det ene es motto : a flat cat is a good cat! ( für min papi: e flachi chatz isch e gueti chatz =) ) Die chatz tötet alli Tier drum hendses nid gern! Di ganz Wohnig isch volle gsi mit chatzefäll und sache woner drus gmacht het =)

Ja und so sind 2 wunderschöni unvergässlichi Täg z end gange...

Euses Fazit: A flat cat is a good cat =)