Am Wuchenend simer mitem Dani und de Fabienne uf Bunbury gfahre. Das isch Südlich vo Perth, ca 200 Km.

Es isch recht gwöhnigsbedürtig gsi mitem Auto aber mir hends gschafft (Linksverkehr) =). Mir sind ufeme Campingplatz gsi wo grad nebed ere Bucht isch wo Delfine ine chömed! 

Den hemer zerst gmüetlich es Bier und Wii trunke und den isch hemer scho bald znacht gesse! 

Gschlafe hemer inere Luxussuite wo gsponseret worde isch vom Dani und de Fabienne!! =) 

Am nechste Tag hend mir en Usflug gmacht miteme Boot, mir sind ga Delfine aluege und hend meega viel gse!! Es isch wunderschön gsi!!

Den hend mir na eimal det gschlafe und sind nacheme gmüetliche Zmorge de Küste nah wieder hei gfahre. 

Unterwegs hemer na amene schöne Strand (Cottesloe) ghalte und sind na chli ga bädälä! 

Mir hend die Ziit mitem Dani und de Fabienne mega gnosse!! Es isch mega schön gsi!!! Eifach bombig =)